現在仍掛念入面的生活，不過有時間都會找D同學仔出嚟玩下，或者找回以前公司的同事一齊食飯。之前曾返回舊公司找老細食飯，佢不知有幾開心好似中咗獎，到咗果日老細重好早打電話俾我問我幾時到，於是便一早上舊公司找佢，同佢一齊去食飯。果日原本是3人食飯，就變成8人食飯，鬼叫我舊老細鍾意熱鬧，只要大家食得開心就得。

不過就同D舊朋友少咗聯絡，可能大家各有各忙，大家D時間都有不同。同以前唔一樣，以前一齊讀書，大部份人都做同一個行業，但現在各人有不同的行業，有時都會比較難約齊人去嚟玩。不過一有時間我哋都會約出嚟顛一晚，真的很開心好似返回以前讀書果時一樣，當然代價係明天好難起身啦﹗